الثلاثاء، 20 ديسمبر، 2011


مخنوق اوى
زهقان اوى
الظاهر انى هكتئب او هابقى انسان منطوى
ولانى محتاجلك اوى
ولان انتى بعيد اوى
يبقى طبيعى انى اكون
مخنوق اوى

من غير عنيكى الدنيا ليه مش مبهجة
والضحك زى الابتسام لون اللمون
مبقتش شايف اى معنى فى العيون
مبقتش حاسس ان انا موجود فى كون

وكان عمر الافتراضى بينتهى
وكانى ريشة فى وسط ريح عاصف اوى
وعشان كده مخنوق اوى

حتى الكلام اللى انتى كنتى بتفهميه
من غير ما اقوله
مبقاش فى حد بيفهمه
مش لاقى حد حبيبتى غيرك اكلمه

كل المشاعر والمعانى استسلمو ضد اللا شئ
مبقاش فى حد يحسنى بحق وحقيق
وكانى تايه فى الطريق

ومازلت محتاجلك اوى
وعشان كده مخنوق اوى


لـ محمد السيد

هناك تعليقان (2):

  1. صباح الغاردينيا
    رائعة جديدة تنثر في مقتطفات أدبية
    هنا فقط أقرأ الروائع مع فنجان قهوتي
    وأستمتع بسكاكر الحرف "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  2. ريماس

    تمرين من هنا فتعطرين هذه المدونة بعبق الغاردينا
    كوني هنا دوماً

    ردحذف